2013-cü ilin ikinci rübündə ötən ilin müvafiq dövrü ilə müqayisədə 6.2 milyon daha az "iPhone” smartfonu istehsal edilib. "Alma" smartfonunun yeni modelinin çıxması azalmaya səbəb kimi göstərilib.
Verilən xəbərə görə, "Apple” şirkəti aprel-iyun ayları ərzində smartfon satışlarından 18.2 milyard dollar qazanıb.
Ən böyük smartfon bazarı hesab edilən Çində "iPhone” smartfonuna tələbat azalıb. Yerli istehlakçılar daha çox ucuz və müxtəlif modellər təklif edən Koreya və ya yerli brendlərə üstünlük verirlər.
"Strategy Analytics” şirkətinin məlumatına görə, 2013-cü ilin ikinci rübündə Çində 78,8 milyon smartfon satılıb. Çində satılan 15,3 milyon smartfon "Samsung” şirkəti tərəfindən istehsal edilib. "Apple” şirkəti Çində yalnız 3,4 milyon "iPhone”smartfonu satmağa müvəffəq olub.
